Abuztuaren 4an hasiko da Antiguako 72. Pilota Txapelketa
Antiguako 72. Pilota Txapelketaren aurkezpena. (Argazkia: Antiguako Pilotazaleok) Nahiz eta osasun-larrialdian egon, Antiguako Pilotazaleok elkarteak aurten ere pilota txapelketa egingo du. Euskal Autonomia Erkidegoko afizionatu mailako txapelketa zahar honen 72 urte beteko ditu. Txapelketa datorren asteartean hasiko da, abuztuak 4, eta hil bereko 29an amaituko da.
Txapelketa ikusteko edukiera %60 baina gutxiagora jaitsi dute antolatzaileek, eta guztira 145 pertsona joan ahal izango dira partidak ikustera. Frontoira hurbiltzeko aukerarik ez duenak, gainera, etxetik jarraitzeko aukera izango du, zuzenean emango baitute Antiguako Pilotazaleok elkartearen Youtubeko kanalaren bitartez. Auzoko taberna batzuek ere telebistetan partidak emango dituzte.
Emakumezkoen txapelketan, kategoria bakarra egongo da, eta lau partaidek jokatuko dute bakarka; txapelketa, beraz, finalaurreko fasean hasiko da. Gizonen kasuan, promesa eta senior kategoriak egongo dira. Kategoria bakoitzean sei bikotek hartuko dute parte, eta hiru bikoteko bi ligaxkatan banatuko dira. Ligaxka bakoitzeko bi onenak finalaurrekoetara sailkatuko dira, eta ondoren finalak jokatuko dira.
Gizonezkoen ligaxkak abuztuaren 4tik 19ra izango dira, eta finalaurreko guztiak hil bereko 25 eta 26an jokatuko dira. Final guztiak abuztuaren 29an izango dira, larunbatean.
