(Argazkia: San Telmo Museoa) Irailean hasi behar zituzten Urgulleko zerbitzu sarea berritzeko lanak, udako denboraldia amaitzean, baina aurreratu egin dituzte, Covid-19a dela eta uste baino turista gutxiago dagoelako Donostian. Aste honetan lanak ahalbidetzeko prestakuntzekin hasi dira, obrarako txabolak jarri dituzte, eta komun berriak jarriko dituzten lekuan zuloak egiten hasi dira.
Proiektuak 838.071 euroko aurrekontua du, eta lau hilabete eta erdi inguru iraungo duela aurreikusi du Donostiako Udalak. Moyua enpresak irabazi zuen lehiaketa publikoa, eta proiektuaren ardatza Urgull mendiko zerbitzu eta eraikin ezberdinak hiriko saneamendu orokorraren sarera lotzea izango da, hala nola Motako gaztelua, Natur Txokoa eta taberna.
15 urtez, Donostia bere hartan erakutsi du IRUTXULOKO HITZAk. Argi dugu kalitatezko eta gertuko edukia eskaintzen jarraitzea dela gure ardura oraingo egoera zail honetan ere. Horregatik, etxetik bada ere, donostiarrontzat etengabe lanean jarraitzen dugu!
Baina bide honetan segitzeko, ezinbestekoa da zure konpromisoa, zuek ere HITZA hartzea.
