Kontxako eta Ondarretako pixatokiak eta kabinak zabalik mantenduko dituzte hainbat astez
Hondartza denboraldia amaitu arren, Kontxako eta Ondarretako pixatokiak eta kabinak hainbat astez zabalik mantendukoko dituztela jakinarazi du udalak.
(Argazkia: Donostiako Udala) 
Atzo amaitu zen Donostian hondartza denboraldia, eta Donostiako Udalak egindako balorazioaren arabera, “inoizko atipikoena” izan da, baita laburrena ere, ohiko zerbitzu asko aldatu behar izan baitira COVID-19ak eragindako osasun krisiaren ondorioz.
Denboraldia amaitu arren, hainbat zerbitzu martxan mantenduko dituztela jakinarazi du udalak. Kontxako eta Ondarretako komunak zabalik mantenduko dira gaurtik aurrera; Zurriolakoak, berriz, itxi egingo dituzte. Bestalde, kabinak itxi eta urriaren 1an berriro irekiko dituzte, ondo bidean, urte amaierara arte. Orain arte bezala, aldatzeko soilik erabili ahalko dira, dutxarik ez baita izango. Ordutegiari dagokionez, urrian 10:00etatik 18:00etara irekiko dira; azaroan eta abenduan, berriz, 10:00etatik 17:00etara.
Bestalde, honako zerbitzuak dira amaitutzat jo dituztenak:
- Sorospen-zerbitzua
- Banderarak (ez itsasoaren egoerarenak, ez edukierarenak)
- Hondartzainak, hondartzetako sarbideetan edukieraren berri emateko
- Aulkiak alokatzeko zerbitzua
