Bera Berak partida irabazi eta 2019-2020 sasoiko ligako garaikurra jaso zuen
Adriana Cardoso partidako une batean. (Argazkia: Bera Bera/Jose Antonio) 
Bera Berak ospakizunez beteriko asteburua izan du. Batetik, partida irabazi zuen Atletico Guardesen aurka. Bere taldeko aurkaririk gogorrena izanik, donostiarren jokoa hasiera-hasieratik nabarmendu zen. Bestetik, 2019-2020 sasoiko ligako txapeldun izanik, garaikurra jaso zuten.
Bera Beraren pozarekin kontrastea egin zuen Txuri Urdinek bizitako tristura. Taldeak ezin izan zuen iazko izotz hockey liga irabazi. Puigcerda ligako kanporaketetako bigarren partidan ere nagusitu zen —lehenengoa ere eurak irabazi zuten—, eta ondorioz liga herrialde katalanetara eraman zuen.
Saskibaloian, asteburu gazi-gozoa izan zen hiriko taldeentzat. Ibaeta Basketek ligako lehen partida irabaztea lortu zuen. Partida estua izan zen, baina azkeneko bost minutuetan egindako defentsa lanei esker, garaipena ez zen Benbibren geratu. Gipuzkoa Basketek ere partida egokia egin zuen, baina ezin izan zion Real Madrili irabazi.
Futbolean, Realak berdinketa lortu zuen Real Madrilen aurka, distira handirik egin gabe, baina aurre eginda, eta pare bat gol aukera onekin.
ESKUBALOIA
Emakumezkoen lehen maila, 2. jardunaldia
- Bera Bera 31 – Atletico Guardes 22
IZOTZ HOCKEYA
Gizonezkoen senior maila, Finalaren kanporaketak
-
- Txuri Urdin 4 – Puigcerda 6
SASKIBALOIA
Gizonezkoen lehen maila, 1. jardunaldia
- Gipuzkoa Basket 70 – Real Madril 86
Emakumezkoen lehen maila, 1. jardunaldia
- Bembibre 65 – Ibaeta Basket 76
FUTBOLA
Gizonezkoen lehen maila, 2. jardunaldia
- Reala 0 – Real Madril 0
