Turismoa
Woody Allenen 'Rifkin's Festival' du hizpide udalaren kanpaina turistikoak
Donostiako Udalak udazkeneko kanpaina turistikoa aurkeztu du. (Argazkia: Donostiako Udala) Donostiako Udalak udazkeneko kanpaina turistikoa aurkeztu du, ‘Udazkena Donostian – amodiozko istorioa’ izenarekin. Azaroaren 30era arte izango da kanpaina martxan, eta helburua “turismoa dinamizatzea eta sektoreko tokiko enpresa txiki eta ertainen jarduera dinamizatzea izan da”, udalaren arabera. Kanpainak Woody Allenen ‘Rifkin’s Festival’ filmari egiten dio erreferentzia, turistari “bere istorioa bizitzeko gonbita” eginez.
68. Zinemaldiaren inaugurazio ekitaldia egiten ari zirela, BizilaLagunEkin plataformak eta Ernai gazte antolakundeak protesta egin zuten Kursaalaren kanpoaldean, hiria bizitzen ari den “turistifikazio prozesu azkar eta bortitza” salatzeko. Woody Allenen filmak hiriaren “turistifikazioa” sustatzen duela salatu zuten.
