Alarma egoera ezartzeko erabakia hartuko du Espainiako Gobernuak
Donostia Ospitalean eta hiriko beste hainbat anbulatoriotan egiten ari dira PCR probak. (Argazkia: Inaxio Esnaola) 
Eusko Jaurlaritzako Osasun Sailak gaur ez du udalerrietako koronabirus kasuen berri eman. Datuak astelehenean eguneratuko dituztela jakinarazi dute. Horrela ere, atzo 13.895 froga diagnostiko egin ziren Araba, Bizkaia eta Gipukozan. Horietatik, 1.212 positiboak izan ziren, 620 Gipuzkoan. Ez dute Donostiakoak atzemandako positiboak zenbat diren.
Bestalde, Espainiako Gobernuak bihar ezarriko dute larrialdi egoera, Madrilgo hainbat komunikabidek iragarri dutenez. Bihar bilduko dira Espainiako ministroak, Hego Euskal Herriko lehendakarien eskariari erantzuteko. Iñigo Urkullu lehendakariak alarma egoera ezartzeko eskatu zion atzo Pedro Sanchez Espainiako presidenteari.
