Nazioarteko zinema mintegia egingo dute Tabakaleran
Angela Milanok eta Julian Pacomiok Psycho performancea egingo dute Tabakalerako patioan. (Argazkia: Non dago zinema?) Non dago zinema? Zinemaren Nazioarteko V. Mintegia egingo dute Tabakaleran azaroaren 25etik 28ra. Zinemaldiak eta Elías Querejeta Zine Eskolak elkarlanean egindako Zin Ex. Abstrakziotik algoritmora erakusketaren jarduera paraleloen programaren parte da mintegia.
Azaroaren 25ean, 19:00etan, mintegia aurkeztuko dute Victor Uriartek eta Lur Olaizola, eta Deux Fois (1968) filma proiektatuko dute. Azaroaren 26an, Zin Ex. Abstrakziotik algoritmora erakusketaren bisita gidatua egingo du Florian Wüstekin komisarioak, 12:00etan. 18:00etan, Nuria Gomezek Aquí y ahora, creedme, creednos, nosotrxs, los fantasmas deituriko hitzaldia emango du, eta 19:00etan, Ghost dance (1983) filma proiektatuko dute.
Azaroaren 27an ere Zin Ex. Abstrakziotik algoritmora erakusketaren bisita gidatua egingo du Florian Wüstekin komisarioak, 12:00etan. 19:00etan, Ángela Millanok eta Julian Pacomiok Psycho performancea egingo dute Tabakalerako patioan. Azaroaren 28an, 12:00etan, solasaldia egingo dute Nuria Gomezek, Ángela Millanok, Julián Pacomiok eta Vicente Monroyk Z aretoan; Victor Iriarte izango da moderatzailea. Amaitzeko, 19:00etan, Vicente Monroyk hitzaldia emango du, eta ondoren, Film (1965) proiektatuko dute.
