Puntu garrantzitsua eskuratu du Realak
(Argazkia: Reala) Realak berdinketa lortu zuen Herbehereetan. AZ Alkmaarrek Anoetan baino partida hobea egin zuen eta aukera onenak izan zituen. Hala ere, partida parekatua izan zen; bi taldeek izan zituzten golak sartzeko aukerak. Txuri urdinen aukera onena Januzajek izan zuen, lehenengo zatian. Silvaren lesioa dela eta, Belgikako jokalaria hasierako hamaikakoan zelairatu zen. Bestela, hamaikakoak ez zituen aldaketa gehiegi izan.
Lortutako puntuari esker, Realak bere alde izango luke AZ Alkmaarrekin gol aldea. Are gehiago, une honetan bi taldeek puntu berdinekin jarraitzen dute, baina Reala bigarren da. Napolik Rijekaren kontrako partida irabazi zuen, eta lider berria da, 9 punturekin.
Europa Ligako hurrengo partida Anoetan izango da, Rijekaren kontra, datorren ostegunean.
