Groseko saltokiek Gabonetako saskiak, kontsumo bonuak eta errege opilak zozkatuko dituzte bezeroen artean
Saskiak eta bestelako produktuak zozkatzen ari dira Groseko saltokietan. (Argazkia: Beñat Parra) 
Groseko merkataritza establezimenduek Gabonetako kanpaina bat abiatu dute, eta egitasmoarekin bat egin duten saltokietan erosten duten bezero guztien artean askotariko produktuak zozkatuko dituzte. Hain zuzen, auzoko saltokien produktu eta zerbitzuekin osatutako Gabonetako hainbat saski, 1.500 euroko balioa duten bost kontsumo bonu (500 euroko bat eta 250 euroko lau, egitasmoko saltokietan kontsumitzeko) eta 80 errege opil artisau (Antojitos, Luque, Opilla eta The Loaf auzoko gozotegietakoak) zozkatuko dituzte. Abenduaren 29a baino lehen kanpainan parte hartzen ari diren edozein saltokitan erosita, txartel batean euren datuak jarri ditzakete bezeroek (eskuz edo QR kode baten bitartez), hilaren 30ean egingo duten zozketan parte hartzeko. Egitasmoa dGros auzoko merkataritza elkartearen bidez egiten ari dira, Gipuzkoako Merkatarien Federazioaren babesarekin.
Jarraian, kanpainan parte hartzen ari diren 74 establezimenduen zerrenda:
Afede, Aldabaldetreku jostundegia, San Ignacio saltokia, Antojitos, Arrazubi mertzeria, Basmodec, Batllo Concept, Arantxa Celaya boutiquea, Julia zapata denda, Miracruz zapata denda, Miruri zapata denda, Nerea zapata denda, Next zapata denda, Roriol zapata denda, Alzu Etxe harategia, Cash Converters, CChika, Haizea Otxandorena estetika zentroa, Aitara estetika zentroa, Cestona konfekzioa, Chamorro harategia, Cocina Gros, Navarro labana denda, Deco Gros, Apalategui bi kirol dendak, Do edertasuna, Ducha Nueva, Ekodenda Ulia, Elivelimen, Emily’s Snook, Eskubitwo, Estilo y Relax, Anta esklusibak, Mikel esklusibak, Fabiola, Ane Otaegui Arrazola farmazia, Blasco farmazia, Maria Cristina lore denda, Hawaii, Hidroceramicas, Hitz, Hopa Beer Denda, Indie Basque Surfing, Itziar Abad ile apaindegia, Izarbide, Anabi bitxi denda, Kberbi New, L’Eleganthe D’Agathe, La Dalia, La Esmalteria, La Perla de Gros, Aritz liburu denda, Manipel, Mattea, Meiry’s Intima, Gavi mertzeria, Mirada Moda, Muguet, Munduko, Muno Baserria, Nikabio, Nuevo Gros, Harotz optika, Oskarbi, Farma Gros parafarmazia, Luque gozotegia, Opilla gozotegia, O2 perfume denda, Punto 23, Mikel bitxi denda, The Loaf, Txanto opariak, Yo osasun eta estetika denda.
