Udal artxiboaren egoitza berria urte hasieran irekiko dute
(Argazkia: Donostiako Udala) 
Egiako Mandasko Dukearen 30. zenbakian egongo da udal artxiboaren egoitza berria. Donostiako Udalak datorren urte hasierarako irekitzea aurreikusten du. Une honetan, udaletxearen azpian dago artxiboa, eta gaur hainbat gordailuren funts dokumentalak, bibliografikoak eta hemerografikoak egoitza berrira lekualdatzeko prozesua abiatu du udalak –35.157 euroko aurrekontua duena–. Funtsak Mandasko Dukearen Atotxa eraikineko 0 solairuan dauden bost gordailuetan instalatuko dira, udal artxibo berria hartuko duen lokala egokitzeko lanak bukatu ondoren.
Egoitzaren ezaugarriak
Udal artxibo berriak 1.878 metro izango ditu, eta hainbat gune; komun publikoak, langileen bulegoa, office bat eta bilera-gela bat, besteak beste. Era berean, erabilera anitzeko 420,15 metro karratuko eremua izango du lokalak, eta han izango dira Xabier eskalada klubaren edo Trebeska Dantza Taldearen jarduerak.
Sarbide nagusi bat izango du Blas de Otero plazatik, igogailu eta eskaileren bidez, azpiko solairura eramango duena. Solairu horretan, harrera lekua eta erabiltzaileei arreta emateko eta dokumentazioa mailegatzeko informazioa egongo dira. Gune horrek kontsultarako eremu bat izango du, bi ordenagailurekin, erabiltzaileek artxiboko funtsak kontsultatzeko, ikertzaileentzako armairuak eta erreprografia gela aukera izan dezaten.
Hamabost pertsonarentzako kontsulta gela bat izango du, mahai, konexio elektriko eta datu eta isolamendu akustikoarekin. Artxiboko dokumentazioa antolatzeko sailkapen gela bat ere izango du, eta erabilera anitzeko gunea izango da kanpoko enpresek lanak edo zerbitzuak egiteko, kokapen finkorik gabeko mahaiekin.
