Erdialdean eta Intxaurrondon Dbuseko geltoki berri bana jarriko dituzte
Bihartik aurrera, Dbuseko 19. Aiete-Bera Bera, 31. Intxaurrondo-Ospitaleak-Altza eta B2 Aiete-Bera Bera lineek geltoki berri bat izango dute Erdialdean; Lizarra geltokia. Aieterantz doazenean, Larramendi kalean geldialdia egin ondoren, Lizarra kaletik jarraituko dute eta Aldapeta Maria Ikastetxearen aurrean geldialdia egingo dute. Beren ibilbidea egiten jarraituko dute Aldapetatik.
Era berean, 9. Egia-Intxaurrondo eta 27. Altza-Intxaurrondo-Antiguo-Gros autobus lineek beste geltoki bat izango dute Intxaurrondoko Kotxetegien inguruan: Kotxetegiak Mons. Horrela, Mons 77an geldialdia egin ondoren, Kotxetegiak Mons geltokian geldituko dira eta, ondoren, Dbus Kotxetegiak geltokian, orain arte bezala. Hortik, aurrera Egiarantz jarraituko dute. Gainera, Dbuseko Kotxetegiak geltokia metro batzuk beherago eramango da, Ategorrietarantz, oinezkoen pasabidearen ondora.
