Haizearen Orrazia asteburuan irekitzea espero du udalak
Udaleko teknikariak Igeldoko luiziaren ingurua aztertzen dabiltza astelehenetik. (Argazkia: EITB) 
Joan den asteburuko euriak luizi bat eragin zuen Igeldon igandean, eta itsasargirako bidea eta Haizearen Orrazia itxita daude astelehenetik. Lurraren mugimenduak asfaltoa hondoratzea eragin zuen, eta teknikariak ingurua aztertzen ari dira ordutik.
Udalak azaldu duenez, galtzadan agertutako arrakalen azterketa topografikoa eta gunearen azterketa geologikoa egiten ari dira, lurra egonkortu den edo arazoek jarraitzen duten egiaztatzeko. Udaleko iturrien arabera, ezin da zehaztu noiz irekiko duten berriz Igeldoko itsasargirako bidea, baina nabarmendu dute espero dutela astebururako Haizearen Orrazia ireki ahal izatea, teknikarien azterketek ahalbidetzen badute.
