52 koronabirus kasu positibo atzeman dituzte Donostian
Intzidentzia metatuak gora egiten jarraitzen du: 283,46koa da. Loiolan baino ez du behera egin, eta Egian berdin mantendu da.
Intzidentzia metatua berdin mantendu da Parte Zaharrean eta Aieten. (Argazkia: Beñat Parra) 
Eusko Jaurlaritzak iragarri duenez, 52 koronabirus kasu atzeman zituzten atzo. Intzidentzia metatua 283,46koa da, eta goranzko joerarekin jarraitzen du: atzo 265,91koa zen, eta ostegunean, 216,37koa. Nabarmentzekoa da 2020ko azken astera arte, zifra horrek beheranzko joera zuela, eta joan den astean, 2021eko lehenengoan, goranzko joera txikia ikusi zela lehen aldiz hainbat astetan. Joera aldaketa hori gero eta ageriagoa dela ikus daiteke azken egunetan.
Intzidentzia metatuak proportzio bat neurtzen du; alegia, zenbat pertsona gaixotu diren azkeneko hamalau egunetan zati zenbat pertsona osasuntsu zeuden periodo horren hasieran; ondorioz, birusaren kutsatzen abiadura erakusten du. Jaurlaritzaren irizpideen arabera, zifra hori 500dik gorakoa denean, leku hori gune gorria dela esan nahi du, alegia, kutsatze maila altua dela leku horretan.
Kutsatze intzidentzia osasun eremuka
Intzidentzia metatuak gora egin du osasun eremu ia guztietan: Loiolan behera egin du eta Egian berdin mantendu da. Jarraian bakoitzeko intzidentzia metatua ikus daiteke:
- Egia: 357,53
- Amara Berri: 353,12
- Parte Zaharra: 296,41
- Intxaurrondo: 288,89
- Loiola: 245,77
- Gros: 228,97
- Ondarreta: 221,66
- Amara-Erdialdea: 218,16
- Altza-Roteta: 173,20
- Bidebieta: 152,76
Kasu positibo kopuruari erreparatuz, jarraian ikus daitezke atzoko zifrak:
- Amara Berri: 19
- Gros: 9
- Ondarreta: 6
- Parte Zaharra: 3
- Amara-Erdialdea: 3
- Egia: 2
- Loiola: 2
- Bidebieta: 2
- Intxaurrondo: 2
- Altza-Roteta: 1
