Zubietako erraustegian sute bat piztu da
Zubietako erraustegia. 
SOS Deiakek jakinarazi duenez, sute bat piztu da Zubietako erraustegian. Larrialdi zerbitzuak joan dira erraustegira, eta enpresako langileekin batera lortu dute sua kontrolpean hartzea. Oraingoz, ordea, ez dago itzalita, eta SOS Deiak dioenez, kea izango da inguruetan “erabat amatatu” arte.
Oraindik ez dute jakinarazi zerk eragin duen sua, baina ez da lehen aldia horrelakorik gertatzen denik. Irailean transformadore nagusia erre egin zen, eta hain zuzen, GHKk pasa den asteburuan jarri zuen martxan berriro, ohar batean azaldu zuenez, “normaltasun osoz eta topera”.
DONOSTIA. Zubietako erraustegian
— SOS Deiak – 112 (@112_SOSDeiak) January 12, 2021
Sute bat piztu da. Enpresako langileak larrialdi zerbitzukoen laguntzarekin, sutea kontrolpean dute. Sutea erabat amatatu arte kea izango da inguruan. #sutea pic.twitter.com/yyD5dvrfpw
