Ezagutzen al dituzu Donostiako euskal idazleak?
Donostiako euskal idazle guztien eta euren liburuen bilduma osatu du udaleko Euskara Zerbitzuak. 
Donostiatik euskal idazle ugari atera dira, batzuk oso ezagunak eta beste batzuk ez horrenbeste. Horregatik, Donostiako Udaleko Euskara Zerbitzuak idazle guztiak eta euren liburuak bildu ditu webgunean, herritar ororentzat eskuragarri egoteko.
Horrela, XVIII., XIX., XX. eta XXI. mendeko idazle donostiar edo hirian bizi ziren eta diren guztiak bildu dituzte. Besteak beste, Jose Luis Alvarez Enparanza Txillardegi-ren, Katalina Eleizegiren, Iñaki Egañaren eta Iratxe Retolazaren obra kontsultatu daiteke webgunean. Idazleen eta euren liburuen bilduma hemen klikatuta kontsultatu daiteke.
