Jose Luis Ocon Donostiako musikaria zendu da
Jose Luis Ocon (erdian), Donostiako Udaleko Txistulari taldeak berari eta Eustakio Iraolari 2018an egindako omenaldi batean. (Argazkia: Donostiako Udaleko Txistulari Taldea)
Jose Luis Ocon tronboi jotzaile donostiarra aste honetan zendu da Donostian, 78 urte zituela. Goi mailako musikaria zen, eta hiriko hainbat jaitako jardueretan parte hartzeagatik zen bereziki ezaguna. Batez ere, inauterietako jardueretan hartzen zuen parte, eta Bebes de la Bulla jaietako talde ezagunaren kide zen. Horretaz gain, Illunbe zezen plazako bandan jotzen zuen, eta Eskola Gurutziaga Abesbatzako zuzendaria ere izan zen. Beste hainbat koru eta bandatan irakasle lanak ere egin zituen.
Bere semeak, Juan Jose Oconek, bere pausoak jarraitu ditu, eta Euskal Herriko Gazte Orkestraren zuzendaria izan zen. Gaur egun, Coruñako Bandako zuzendaria da.
