Gipuzkoako Hondakinen Kudeaketak kostu judizialak ordaintzeko GuraSOSen ondasunak bahitzea agindu du
GuraSOSen agerraldi bat. (Argazkia: GuraSOS) Gipuzkoako Hondakinen Kudeaketaren presidenteak, Jose Ignacio Asensiok, epaitegietara eramatearekin mehatxatu zuen GuraSOS elkartea; izan ere, erraustegiaren aurkako elkarte honek Zubietako labe berriak legalizatu gabe zeudela adierazi zuen, eta Asensiok informazio hau “infamia” zela leporatu zion elkarteari. Informazio hau, baina, Arantxa Tapia Eusko Jaurlaritzako Ekonomia eta Ingurumen aholkulariak eta Nortegas enpresak baieztatu zuten, besteak beste.
Gaur, baina, Gipuzkoako Hondakinen Kudeaketaren Asanbladan salaketa horrekin amaitzea erabaki dute, baina GuraSOS elkartearen ondasunak bahitzeko prozedura hastea agindu du, huts egin duten salaketa saiakeren kostu judizialak ordaintzeko; 5.387 euroko ondasunak ditu elkarte honek. EAJko eta PSE-EEko ordezkariek bozkatu dute ondasunen bahiketarekin hastearen alde.
Aldundiaren kontraesana
GuraSOS elkarteak, bestalde, Gipuzkoako Aldundiaren kontraesana salatu du, ondasunen bahiketarekin hastea agindu duten egun berean “hiritarren parte hartzea sustatzeko” 500.000 euro bideratzea onartu baitute.
