Maratoi Erdiaren lasterketa birtuala apirilean izango da, eta dagoeneko izena eman daiteke
Donostiako Maratoi Erdiak 20 urte bete ditu, eta lasterketa presentziala ez ezik, birtuala ere antolatu dute. Apirilaren 10etik 18ra bitarte izango da, eta dagoeneko izena eman daiteke Maratoi Erdiaren webgunean, 6 euroren truke. Oinez edo korrika parte hartu daiteke, eta hiru distantzia daude aukeran: 5, 10 eta 21 kilometro.
Birtualaz gain, antolakuntzak urriaren 3an egin nahi du lasterketa ofizial eta presentziala. Ordea, osasun neurrien araberakoa izango da. Parte hartu nahi dutenek bi distantzia hautatu ditzakete: 21 kilometrokoa eta 10 kilometrokoa. Izena emateko aukera zabalik dago ere, baina, esan bezala, oraindik ez dago argi egin ahal izango den.
