Bidebietako argazki zaharrak bilatzen ari dira, erakusketa bat antolatzeko
Lagun talde bat Seat 600 batean mozorrotuta, 1978ko Bidebietako jaietan. Atzealdean garaiko autoak ikusten dira. (Argazkia: Altzako Historia Mintegia) 
Altzako Historia Mintegia Bidebietako historiari buruzko argazki erakusketa bat antolatzen ari da, eta herritarren laguntza eskatu du, auzoko argazki zaharrak biltzeko. Horrela, auzoko argazkiak dituzten bizilagunei eskatu diete mintegiarekin harremanetan jartzeko, edo zuzenean, argazkiak jserrano@altza.net posta elektronikora bidaltzeko. Edozein motatako argazkiak bidali daitezke; historikoak eta familia argazkiak, besteak beste.
Bestalde, orain arte Altzako Historia Mintegiak katalogatuta dituen Bidebietako argazkiak Altza.info atarian ikusi daitezke, baita Hautsa Kenduz bilduman Bidebietari buruz jaso zuten informazio eta argazki guztiak ere.
