Media Marktek Garberan duen saltokiko hiru langile kaleratu ditu
ELA sindikatuak Media Markteko langileen kaleratzea salatu du. (Argazkia: ELA Donostia) 
ELA sindikatuak salatu duenez, Media Markt enpresak hiru langile kaleratu ditu Garberan duen saltokitik, “bat-batean”. Sindikatuak azaldu duenez, egun batetik bestera izan dira kaleratzeak: “Martxoaren 3an, lanera sartu zirenean, deitu egin zieten, eta kaleratze gutuna eman zieten”.
Langileek enpresan 12, 13 eta 16 urte zeramatzatela nabarmendu dute sindikatukoek, eta ez dietela inoiz “inolako abisurik edo zigorrik” jarri. “Horrenbeste urteren ondoren, kaleratze gutunetan jartzen zuen ez dutela enpresaren profilarekin bat egiten; bat-bateko gauza izan da”.
