Realak Bartzelona jasoko du igande honetan Anoetan
Alexander Isak, Bartzelonaren aurkako partida batean. (Argazkia: Reala) Realak sailkapeneko bigarren taldea, Bartzelona, jasoko du igande honetan Anoetan. Ligan emaitza onak dituzte azken hilabeteetan bi taldeek, eta puntu beharra dute biek denboraldik helburuak lortzeko: Bartzelonarena, liga irabaztea; Realarena, berriz, Europako postuetan amaitzea. Bestalde, Natalia Arroyoren taldeak Sevilla jasoko du Zubietan. Reala seigarren dago sailkapenean, 40 punturekin, eta Sevilla zortzigarren dago, 32 punturekin.
Saskibaloian, Ibaeta Basketek Ciudad de la Laguna taldea jasoko du larunbatean. Playoff postuetan sartzeko borrokan daude donostiarrak, eta asteburu honetan garaitzea berebizikoa zaie. Bestalde, Gipuzkoa Basketek Kanaria Uharteetara egingo du bidaia, igandean Kanaria Handiaren aurka jokatzeko; partida honetan bi puntu lortu ezkero, lehen mailan geratzea geroz eta gertuago izango dute donostiarrek.
Izotz hockeyan, Txuri Urdineko neskek finaleko bigarren partida izango dute larunbatean, Majadahondaren aurka. Partida hau irabazi ezkero, finaleko azken partida jokatuko dute igandean. Galdu ezkero, Majadahondarentzat izago da txapelketa. Mutilek, berriz, semifinaleko partida izango dute larunbatean, Puigcerdaren aurka. Lehen partida galdu zutenez, partida hau irabazi beharko dute finalera igarotzeko aukerak izateko. Larunbatekoa irabazi ezkero, igandean semifinaleko hirugarren partida jokatuko dute.
Belar hockeyan, Realak Terrassara egingo du bidaia. Joan den asteburuan bi partida jokatu zituzten txuri-urdinek, garaipen bat eta berdinketa bat lortuz. Bederatzigarren postuan dago Reala, hemezortzi punturekin, eta Terrassa hamargarren da, hamazazpi punturekin.
FUTBOLA
Emakumezkoen Lehen Maila, 22. jardunaldia:
Reala – Sevilla (Igandea, 13:00)
Gizonezkoen Lehen Maila, 28. jardunaldia:
Reala – Bartzelona (Igandea, 21:00)
SASKIBALOIA
Emakumezkoen Lehen Maila, 28. jardunaldia:
Ibaeta Basket – Ciudad de la Laguna (Larunbata, 19:00)
Gizonezkoen Lehen Maila, 26. jardunaldia:
Kanaria Handia – Gipuzkoa Basket (Igandea, 12:00)
BELAR HOCKEYA
Emakumezkoen Ohorezko Maila, 16. jardunaldia:
Terrassa – Reala (Igandea, 12:30)
IZOTZ HOCKEYA
Emakumezkoen Hockey Liga, playoffetako finala:
Majadahonda – Txuri Urdin (Larunbata, 13:30)
Majadahonda – Txuri Urdin (Igandea, 16:00) – Partida hau jokatzeko, Txuri Urdinek larunbatekoa irabazi beharko du.
Gizonezkoen Hockey Liga, playoffetako semifinala:
Puigcerda – Txuri Urdin (Larunbata, 15:30)
Puigcerda – Txuri Urdin (Igandea, 15:30) – Partida hau jokatzeko, Txuri Urdinek larunbatekoa irabazi beharko du.
