28 koronabirus kasu positibo Donostian
Eusko Jaurlaritzak argitaratutako datuen arabera, intzidentzia metatua 199,57koa da gaur, eta goranzko joerarekin jarraitzen du; izan ere, atzo 197,38koa zen datu hau.
Bi pertsona Kontxa pasealekuan, berrogeialdian. (Argazkia: Joseba Parron) Une honetan, 199,57koa da hiriko intzidentzia metatua, eta 28 koronabirus kasu positibo atzeman zituzten atzo. Dena dela, Jaurlaritzak pasa den astean harturiko neurri murriztaileen baldintzetatik urrun dago oraindik. 400dik gorako intzidentzia metatua duten udalerriei itxiera perimetrala ezarri diete, eta ostalaritzaren ordutegia mugatu.
Pandemia hasi zenetik, Donostian 13.262 kasu positibo atzeman dituzte guztira, eta 358 pertsona hil ditu gaitz honek. Birusaren hilkortasun tasa 2,7koa da Donostian.
Hilaren 9tik, Araba, Bizkai eta Gipuzkoa artean ibili ahal da. Horrela ere, gainerako neurri murriztaileek indarrean jarraitzen dute. Hala nola, gaueko mugikortasuna –22:00etatik 6:00etara– eta ostalaritzaren itxiera 20:00etan –esan bezala, baldin eta intzidentzia metatua 400dik gorakoa ez bada–. Horrekin batera, elkartzeak gehienez lau pertsonakoak izan daitezke.
Bestalde, Aste Santuan debekatua egongo da autonomia erkidegoen arteko mugikortasuna. Martxoaren 10ean hartu zuen erabaki hori Espainiako Estatuko Osasun Ministerioak autonomia erkidegoekin batera, eta etxeratze agindua 23:00etara luzatzea ahalbidetu dute.
