Hirigintzako Arau Orokorren aldaketa behin betiko onartu du udalak
Donostiako Udalak behin betiko onartu du Hiri Antolaketarako Plan Orokorraren barruan dauden Hirigintzako Arau Orokorren aldaketa. Bereziki, lau ataletan du eragina.
Gune urbanistikoen araberako etxebizitzen batez besteko gutxieneko tamaina aldatzen du, eta horrek eragina du etxebizitzak bereizteko aukeran. Baimentzen du eraikitako azaleraren %10 balkoi edo terraza izatera bideratzea, etxebizitzaren eraikigarritasunaren barruan sartu gabe. Aldiz, zaildu egiten ditu etxebizitza eraikinak hoteletan bihurtzeko baldintzak. Izan ere, Plan Berezia egitea eskatuko du, eta gainera, ezartzen du hotela jarri nahi den eremu horretako hotelentzako erabilera %25 baino handiagoa ez izatea.
Horrez gain, aldaketa honekin, etxebizitza turistikoen ordenantzaren araudia bere gain hartu du Plan Orokorrak. Horrela, lehen solairuko araua bertan behera geratuko da, eta ordenantzan ezarritako arauak dira aurrerantzean aplikatuko direnak.
