Errugbiko Euskal Liga irabazi du Bera Berak
Euskañ Liga amaitzeko partida baten faltan, txapelketa irabazi du Bera Berak. Liga amaitu eta gero, igoera fasea jokatzen hasiko da talde donostiarra. Aurtengo denboraldira arte ezin izan du puntu honetara iritsi Bera Berak, ez baititu jokalari nahikoa lortu. Aurten, baina, talde zabalagoa du, eta inoiz baino emaitza hobeak lortzen ari dira.
Maiatzaren 8an eta 9an jokatuko da igoera fasea, torneo formatuan. Zehazki, Ohorezko B Mailara igotzea du helburu Bera Berak, eta jada ezagutzen ditu aurkari batzuk: CD Rugby Escoriones eta CD Pinguinos.
Bera Bera Errugbia
2017/2018 denboraldian sortu zuten Bera Beraren emakumezkoen errugbi taldea, eta denboraldi honetara arte ezin izan dituzte emaitza oso onak lortu, talde nahiko mugatua zutelako. Aurten, baina, Laura Lorenzo eta Nuria Iurrita jokalariak sartu dira taldean, eta igoera fasera iristea lortu dute.
Ligako azken partida igande honetan zen jokatzekoa, baina astebetez atzeratu da, arazo teknikoak direla eta.
