Kopako finaleko dokumentala aurkeztu du Realak
Dokumentaleko irudi bat. (Argazkia: Reala) Apirilaren 3an Realako 2019/2020 denboraldiko Errege Kopa irabazi zuen Sevillan (Andaluzia), Athleticen aurka 0-1 irabazita. Partida handitan egiten duen moduan, Realak dokumental bat argitaratu du, taldearen barneko irudiekin.
Ordubete baino gehiagoko dokumentala da oraingoa, eta Zubietan bertan hasten da. Zaleek egin zieten agurreko bideoekin hasten da, eta Sevillan pasa zituzten egunak erakusten ditu: jokalarien elikadura, Jokin Aperribairi egindako elkarrizketa edo partidaren prestaketa ikusi daitezke, besteak beste, baita partidako irudiak eta ospakizuna ere.
Garaipenaren ostean, zale askok eskatu zuten bideo hau sareetan.
