Ezagutzen al duzu Egiako Teila Fabrika?
Egiako bizilagun batzuk, Teila Fabrikan. (Argazkia: Teila Fabrika) 
2019ko ekainean ireki zuten Egiako Teila Fabrika lantegi kooperatiboa, eta askotariko jarduerak egin dituzte ordutik, komunitatea, jarrera eraldatzailea eta elkarlana sustatzeko helburuarekin. Gunea gehiago ezagutarazteko, ordea, bideo bat osatu dute, eta sarean ikusgai jarri dute. Bideoan azaltzen duten moduan, askotariko erabileratako aretoak ditu Teila Fabrikak, eta hitzaldiak, ikastaroak, liburu aurkezpenak, bilerak, kultur emanaldiak eta prentsaurrekoak egiten dituzte, besteak beste. Horretaz gain, lan egiteko hemezortzi plaza ditu, baita bulegoak eta bilera gelak ere.
