Tejeria eta San Kristobal kaleetako esperientzia baloratzeko galdeketa egiten ari dira
Tejeria kalea, oinezkoentzako izan zen egunetako batean. (Argazkia: Iñaut Gonzalez de Matauko Rada) 
Egiako Tejeria eta San Kristobal kaleak oinezkoentzako izan ziren apirilaren 12tik 25era, eta esperimentuak askotariko iritziak azaleratu zituen. Orain, bi asteko esperientzia hori baloratu nahi dute sustatzaileek (Egia Bizirik auzo elkartea, Donostiako Udala eta EHUko Arkitektura Goi Eskola Teknikoa), eta galdeketa bat abiatu dute.
“Azterlan honen helburua ez da kale horiek oinezko izan behar duten ala ez erabakitzea, hainbat ikuspuntutatik auzoak dituen mugikortasun arazoren inguruan hausnartzea baizik”, nabarmendu dute antolatzaileek. Era berean, azpimarratu dute ahalik eta herritar gehienek parte hartzea nahi dutela, balorazio zabala egin ahal izateko. Galdetegia betetzeko, helbide honetan klikatu behar da, eta azaltzen diren galderak erantzun.
