Kamioi bat harrapatuta geratu da Tolosa hiribidean
(Argazkia: Donostiako Udaltzaingoa) 
Gaur eguerdian kamioi bat harrapatuta geratu da hiriko sarbide batean; gainean zeraman hondeatzaileak talka egin du zubi batekin. Tolosa hiribidean gertatu da istripua, Erdialderako bidean.
Kamioia eta hondeatzailea handik erretiratzeko garabi bat erabiliko dute. Bitartean hainbat seinale jarri dituzte, eta bide bat itxita dago. Udaleko iturriek adierazi dutenez, ez da zauriturik izan.
