Igeldoko jaiak iragartzeko argazki lehiaketa abiatu dute
Ttonttorro Jai Batzordeko kideak Igeldoko jaiak antolatzen ari dira, “herriari bizipoza emateko”. Hori dela eta, argazki lehiaketa antolatu dute. Pandemiaren eraginez, festak ez dira normalean bezala ospatuko, baina kultur jarduerak antolatuko dituzte.
“Dakizuen bezala, urtero argazki lehiaketa egiten dugu programako portada aukeratzeko. Aurten, jaiak ere ezberdinak izango direnez, ez da programa ofizialik egongo. Dena dela, egitaraua jasoko duen kartel handiak eta etxeetara banatzeko eskuorriak aterako ditugu. Horietan, atzean joango den irudia aukeratzeko argazki lehiaketa jartzen dugu martxan”, azaldu du jai batzordeak.
Lehiaketan parte hartzeko azken eguna ekainaren 3a izango da. Oinarriak, berriz, ondorengoak dira:
- Gaia: Igeldorekin zerikusia duen argazki, marrazki, montaje edo collage-a.
- Argazkia aurkezteko email honetara bidali behar da: ttonttorro@gmail.com.
