Bera Berak Maddi Aalla atezaina fitxatu du 2021/2022 denboraldirako
Maddi Aalla, aurkezpenean. (Argazkia: Bera Bera) Bera Bera eskubaloi taldeak 2021/2022 denboraldirako beste fitxaketa bat aurkeztu du: Maddi Aalla atezaina. Zuazon ibili da azken urteetan Aalla, eta gaur goizean aurkeztu du Bera Berak jokalari berria Bidebietako Josean Gasca kiroldegian. Joan den asteazkenean, June Loidi fitxatu zuen Bera Berak.
2020/2021 denboraldi bikaina egin du Bera Berak: partidarik galdu gabe irabazi du liga, eta Erreginaren Kopan final laurdenetara iritsi ziren. Emaitza hauek direla eta, Donostiako Udaleko hainbat ordezkarik harrera egin zieten jokalariei atzo udaletxean.
