Potxin eta Patxinek ingurumenaren inguruko ikuskizuna egingo dute Martutenen ostiral honetan
Potxin eta Patxin, 2017. urteko ikuskizun batean. (Argazkia: Bizarrain) Ostiral honetan, Potxin eta Patxin artistek Ingurumena Zaindu ikuskizuna egingo dute Arantzazuko Ama ikastolan, Martutenen. Saioa 17:00etan izango da, eta gerturatzen diren umeek ingurumenaren inguruan hausnartzea nahi dute artistek, antzerki, mimo, joku, malabare eta bestelako jokuen bidez.
Hala azaldu dute: “Mugikortasunari buruzko esketxa landuko dugu, ikastetxera joateko garraio mota desberdinak aipatuz; hamaiketakoan janari fresko eta osasungarriak eskeiniko dizkigute potekoen ordez; urak duen garrantzia eta erabilera egokiaz arituko gara; jolasen bidez birziklatzen ikasiko dugu, gai bakoitza dagokion ontzian sartuz; trafiko seinaleak ikasiko ditugu”.
Ikuskizuna ostiral honetan izango da Arantzazuko Ama ikastolan, 17:00etan, eta edukiera mugatua dagoenez, sarrera eskatu behar da bertara joateko: etxarriene@donostia.eus edo 943483333.
