Wiebke Popelek irabazi du Dock Of The Bay jaialdiko dokumental onenaren saria, 'Helmut Lachenmann: My way' obrarekin
'Helmut Lachenmann: My way' dokumentala. 
Bukatu da Dock Of The Bay musika dokumentalen 14. zinema jaialdia, eta sariak banatu dituzte dagoeneko: Wiebke Popelen Helmut Lachenmann: My way dokumentalak irabazi du 2021eko dokumental onenaren Dock Of The Bay saria. Era berean, epaimahaiak aipamen berezia egin dio Johana Ozvolden The sound is innocent lanari.
Gainontzeko sariei dagokienez, Eloy Dominguez Serenen Os Corpos obrak irabazi du film labur musikal onenaren saria, Celeste Bellen Poly Styrene, I’m a cliché filmak eskuratu du film luze onenaren ikusleen saria, eta Nieteren Entre el monte y la marisma lanari eman diote film labur onenaren ikusleen saria.
