Realak 1-4 galdu du Bartzelonaren aurka
(Argazkia: Bartzelona) Realak Ligako eta Txapeldunen Ligako txapeldunaren aurka jokatu zuen atzo Zubietan, Bartzelonaren aurka, 33. jardunaldiko partida. Bartzelonak aurreko 32 partidetan bakarra galdu zuen, eta horrek faborito egiten zituen. Hala ere, Reala ondo hasi zen, eta Nerea Eizagirrek 15. minutuan ireki zuen markagailua txuri-urdinen alde, penaltiz. Lehen zatia 1-0 amaitu zen Realaren alde, baina bigarren zatian Bartzelonak nagusitasuna erakutsi zuen, eta lau gol egin zituen. Atletico Madrilek bere partida irabazi zuenez, bosgarren postura jaitsi da Reala, 58 punturekin; 60 ditu Atleticok.
Natalia Arroyoren jokalariei partida bakarra geratzen zaie liga amaitzeko; Valentziara egingo dute bidaia donostiarrek, Valentziaren aurka jokatzeko. Datorren igandean izango da partida, 11:00etan, eta Realak oraindik liga laugarren amaitzeko aukerak ditu.
Arraunean, Donostiarrako mutilen bigarren ontziak larunbatean hasi zuen KAE2 liga Pasaiako uretan, eta hirugarren geratu zen erlojupekoan. Lehena Hondarribia izan zen, 21’39” denborarekin; bigarren Portugalete, 21’52” denborarekin, eta Donostiarrak 21’34” denbora egin zuen; zortzi puntu eskuratu ditu talde donostiarrak.
