Alberto Iglesiasek ‘Maixabel’ filmaren soinu banda grabatu du Euskadiko Orkestrarekin batera
Grabaketa astelehen eta astearte honetan izan da, eta musikariaren eta orkestraren arteko lehen elkarlana izan da hau.
Alberto Iglesias Euskadiko Orkestrarekin. (Argazkia: David Herranz) Alberto Iglesias musikari donostiarrak aste honetan grabatu du Euskadiko Orkestrarekin batera Maixabel filmaren soinu banda. Iciar Bollain zuzendariaren filma irailaren 24an estreinatuko da zinemetan, eta musikaria eta zuzendaria elkartzen diren laugarren aldia da izan hau. Lehen honen esanetan, filmarentzat soinu banda hau egitea kolaborazio estua izan da zuzendariarekin, eta partitura bi zentzutan adarkatzen da: batek mina sinbolizatzen du, besteak argia.
Maixabel filmak Maixabel Lasaren historia kontatzen du, ETAk hildako Juan Maria Jauregui politikariaren alarguna. Iciar Bollain eta Isa Campok idatzitakoa da, eta Kowalski Films eta FeelGoodek produzitutakoa. Horrez gain, EITB, Movistar eta beste erakunde batzuen laguntza ere jaso du.
Alberto Iglesias musikaria ezaguna da nazioartean. Oskar saria irabazteko hiru aldiz izan da izendatua, eta hamaika Goya sari ditu, beste sari askoren artean. 80ko hamarkadan hasi zen, eta jada 40 soinu banda baino gehiago konposatu ditu.
Bestalde, Euskadiko Orkestra estatu mailako erakundea da, garai guztietako musika sinfonikoa zabaltzea eta euskal musika ezagutzera ematea helburu duena. Robert Treviño da zuzendaria.
