Aitor Zubizarreta azpeitiarra fitxatu du Gipuzkoa Basketek
Aitor Zubizarreta fitxatu du Gipuzkoa Basketek basea indartzeko; hala ere, eskolta bezala ere jokatu dezake jokalari azpeitiarrak. Iraurgin hasi zuen ibilbidea Zubizarretak, LEB Plata mailan, eta handik Amerikako Estatu Batuetara joan zen, ikastera eta saskibaloiean jokatzera.
Portland Pilots taldean ibili zen bertan, eta unibertsitatez aldatu zen gero, Idahoko Unibertsitatean jokatzera. Graduatu ostean, 2017/2018 denboraldian, Bilbao Basketek fitxatu zuen, baina Iraurgin jokatu zuen, utzita. Denboraldi hori amaitzean, Bilbao Basketekin kontratua amaitu zuen, eta Palentziara joan zen jokatzera. Hurrengo denboraldia Caceresekin jokatu zuen, eta azken denboraldian Palentziako taldean jokatu du berriz.
