Donostiako Klasikoak aldaketak eragingo ditu Dbusen hainbat autobus lineatan
Dbuseko autobus bat Bulebarrean. (Argazkia: Irati Salsamendi) Donostiako Klasikoa, txirrindularitza lasterketa, uztailaren 31n egingo da. Hori dela-eta, trafiko mozketak egingo dituzte uztailaren 30ean eta 31n.
Aldaketak ostiralean 9:00etan hasiko dira Bulebarra itxiz, eta 00:00ak arte mantenduko dute horrela. Ondorioz, bulebarreko geltokiak lekuz aldatuko dituzte:
– 5 eta 25 lineak: Okendo kalera, eta Bengoetxea eta Peñaflorida kaleetatik irtengo dira.
– 21, 26 eta 28 lineak: Okendo kalera, eta Bengoetxea eta Peñaflorida kaleetatik irtengo dira.
– 13 Linea: Bulebarren bere ohiko geltokia izaten jarraituko du, eta Legazpi, Peñaflorida eta Hernani kaleetatik irtengo da.
– 42 linea: Legazpi kalera, eta Peñafloridatik eta Hernanitik irtengo da.
– 9 eta 29 lineak: Legazpi kalera, eta Peñaflorida eta Hernanitik irtengo da.
– 31 linea: Gipuzkoa plazara lekualdatuko da (L14 geltokia)
-8 Linea: Gipuzkoa plazara lekualdatuko da (L14 geltokia). Handik Idiakezetik aterako da Askatasunaren hiribiderantz, eta 7 zenbakian geldituko da (L14 geltokia).
Gaueko lineei dagokionez, hauek dira aldaketak:
-B1 eta B8: Gipuzkoa plazara lekualdatuko dira (L18 geltokia)
-B2 eta B9: Peñaflorida kalera lekualdatuko dira (L19 geltokia).
-B3: Legazpi kalera lekualdatuko da.
-B4: Bulebarreko 3 zenbakira lekualdatuko da.
-B6 eta B10: Bulebarreko 3an duten geltokia izaten jarraituko dute, eta Legazpi kaletik, Peñafloridatik aterako dira Hernani kalerantz.
Larunbatean ordea, Kontxako pasealekua itxita egongo da, eta autobus linea gehienek ibilbide eta geltoki aldaketak egingo dituzte eta Dbuseko webgunean daude ikusgai.
