Nokono abeslariak kontzertua eskainiko du Txantxarrekan
(Argazkia: Txantxerreka Gaztetxea) Txantxarreka gaztetxekoek ekitaldiak ikusleekin egiten hastea aurreikusten zuten uda honetarako, eta lortzen ari dira. Izan ere, ostegun honetan Nokono abeslariak eskainiko du kontzertua bertan 18:30ean. Sarrerak 3 eurotan egongo dira, eta erreserbatu egin beharko da txantxarrekagaztetxea@gmail.com helbidera mezua bidaliz.
Asier Mendizabal ‘Nokono’ Ttan Ttakun irratiko kidea, musikazalea eta binilozalea, DJ-a eta kantautorea da. 19 bat urterekin hasi zen gitarra jotzen eta kantatzen, nahiz eta kantautore bezala oraintxe hasi berri den. Ekainaren 18an eman zuen bere lehen kontzertua Txondorran, eta berriz itzuliko da taula gainera Txantxarrekan emango duen kontzertuan.
(Argazkia: Txantxarreka Gaztetxea)
