Pala eta Esku pilota txapelketa egingo dute Porrontxo jaietan
Porrontxo jaiak. (Argazkia: Beñat Parra) Aurten ere Porrontxoetan Pala eta Eskupilota txapelketa egingo da. Partidak jaien aurretik izango dira, abuztuaren 30etik irailaren 10era. Finala irailaren 19an izatea aurreikusten dute, eta finalaurrekoak irailaren 18an. Partidak astelehenetik ostiralera izango dira 18:00etan, eta parte-hartzaileen arabera antolatuko dira. Bi jolasetan, emakumezkoen taldea, gizonezkoena zein talde mixtoa eskaintzen da.
COVID-19aren aurkako neurriek baldintzatutako partidak izango dira; sarbidea eta irteera banatuta egongo dira, gel hidroalkoholikoa eman beharko da atean eta musukoa derrigorrezkoa izango da.
Parte hartzeko izena Kata, Koskorrio eta Ostotsa tabernetan eman ahalko da abuztuaren 19a baino aurretik, 5 euroren truke. Parte-hartzaileren batek ezin badu joan, ordezkoa bilatu beharko du.
