Kristinaeneako beltxargetako bat egoera txarrean dagoela salatu du Eguzkik
Eguzkik salatu duenez, Kristinaeneako beltxargetako batek hanka bat puztuta dauka, jarrita duen eraztunarengatik. (Argazkia: Eguzki) 
Eguzki Erakunde Ekologistak sare sozialetan salatu duenez, Kristinaenea parkeko urmaeleko beltxargetako bat egoera txarrean dago. Hain zuzen, ekologisten arabera, beltxargak puztuta dauka eskuineko hanka, jarrita duen eraztunak eragiten dion presioa dela eta. Horrez gain, eskuineko hegalean aingeru hegalaren gaixotasuna atzematen zaiola nabarmendu dute, maila leunekoa. “Donostiako Udaleko animalien ongizaterako sailetik beti esango dizute animaliak ondo daudela”, gaineratu du Eguzkik.
Krisitinaeneako urmaeleko beltxargetako batek aingeru hegalaren gaixotasuna duela dio Eguzkik; hain zuzen, uretan ibiltzen diren hegaztiek izan ohi dute gaixotasun hori, eta irudian ikusten den moduan, hegala okertu egiten zaie. (Argazkia: Eguzki)
