Ibilbide oparoari ekingo dio ‘Non Dago Mikel?’ filmak Guadalajarako Zinemaldian
'Non dago Mikel?' dokumentala. Mikel Zabalzaren kasua azaltzen duen film luze dokumentala, Non Dago Mikel? (Amaia Merino, Miguel Angel Llamas ‘Pitu’, 2020), Guadalajarako (Mexiko) Nazioarteko Zinema Jaialdian lehiatuko da. Izan ere, Aipamen Berezia jaso zuen film honek Donostiako Zinemaldian, eta oraingo honetan, nazioarteko ospe handiko Mexikoko lehiaketan arrakasta gehiago ekarriko dion ibilbide oparoa hasiko du filmak.
Non Dago Mikel? filma iazko Donostiako Zinemaldiko 68. edizioan lehiatu zen, eta Euskal Zinemaren Irizar Sariaren epaimahiak Aipamen Berezia eman zion nazioarteko premierean. Horrez gain, Lauaxeta 2020 saria jaso zuen, Bizkaiako Aldundiak memoria historikoa jorratzen duten dokumental formatuko lanak saritzen dituen saria. 15.000 ikusle baino gehiago eta ia 80.000 euro bildu ditu film honek estreinatu zenetik.
Mikel Zabalza autobus-gidariaren desagerpenean sakontzen duen dokumental hau, oraingo honetan Guadalajarako (Mexiko) Nazioarteko Zinemaldiaren 36. edizioko Sail Ofizialean lehiatuko da aurtengo urrian. Horrela, izen handiko nazioarteko lehiaketan ibilbide oparoari ekingo dio.
