Elh Malickek kontzertua eskainiko du gaur Polboriñean
Urgulleko Polboriña udara osoan zehar ari da kontzertuak eskaintzen eta gaurkoan Elh Malick musikari senegaldarrak kontzertua eskainiko du 17:30etan. Folklore Afrikarra, bluesa, reggea eta folk amerikarra nahasten ditu abeslari eta musikagileak.
Ez da aste honetan Polboriñean egongo den kontzertu bakarra, izan ere, bihar, osteguna, Krill Soundsystem saioa izango da arratsaldeko 17:30etatik 20:30etara. Bi kontzertuetan edukiera mugatua izango da.
