Haurrentzako esku pilota txapelketa egingo dute Porrontxo jaietan
2019ko Porrontxo jaietako haurren txupinazoa eta jaitsiera. (Argazkia: Beñat Parra) 
Gutxi falta da Egiako Porrontxo jaietarako, eta osasun egoera dela eta aurten ere jaiak bere horretan ospatuko ez dituzten arren, askotariko jarduerak egingo dituzte auzoan. Haurrentzako binakako esku pilota txapelketa izango da horietako bat.
2009 eta 2012 urteen artean jaiotakoek ahalko dute parte hartu, eta izena emateko epea irailaren 5era arte egongo da zabalik. Horrela, parte hartu nahi duten bikoteek Koskorrio tabernan eman beharko dute izena, 5 euro ordainduta. Irailaren 8an hasiko dira txapelketako partidak jokatzen, 17:00etan. Ondoren, finalerdiak irailaren 18an jokatuko dituzte, eta finalak 19an.
(Argazkia: Porrontxo jaiak)
