Realak prest dauka Europan erabiliko duen kamiseta
Zubimendi, Elustondo eta Sorloth, Realak Europan erabiliko duen kamiseta jantzita. (Argazkia: Reala) 
Realak irailaren 16an hasiko du 2021/2022 denboraldiko Europako abentura, PSVren aurka, Europa ligako ligaxkan. Ordurako kamisetak —lehenengoa zein bigarrena— prest dauzka dagoeneko talde txuri-urdinak, eta realzaleentzako salgai jarri ditu. Hain zuzen, ligakoaren berdina da, baina Europa ligaren eta UEFA fundazioaren logo ofizialak daramatza. Anoetako eta Elkano kaleko dendetan eskuratu daitezke, baita Internet bidez ere.
Gainera, zozketa bat abiatu du klub txuri-urdinak, Zubimendik, Elustondok eta Sorlothek sinatutako hiru kamiseta zaleen artean zozkatzeko. Parte hartu ahal izateko, Realaren Youtubeko kanalera harpidetu beharra dago, baita kamisetaren aurkezpen bideoaren iruzkinen atalean galdera honi erantzun ere: nola geratuko da gure Europa ligako multzoa? Zozketan parte hartzeko epea irailaren 5eko 23:59ean itxiko dute.
Bestalde, honakoa izango da Realaren egutegia Europa ligako ligaxkan:
- 1. jardunaldia: PSV Eindhoven – Reala. Irailak 16 (21:00).
- jardunaldia: Reala – Monako. Irailak 30 (18:45).
- 3. jardunaldia: Sturm Graz – Reala. Urriak 21 (21:00).
- 4. jardunaldia: Reala – Sturm Graz. Azaroak 4 (18:45).
- 5. jardunaldia: Monaco – Reala. Azaroak 25 (21:00).
- 6. jardunaldia: Reala – PSV Eindhoven. Abenduak 9 (18:45).
