Ibaeta Basketek Valentziaren aurka hasiko du liga
(Argazkia: Ibaeta Basket) 
Ibaeta Basketek etxetik kanpo abiatuko du 2021/2022 denboraldia, Valentziaren aurka. Azu Muguruzaren taldeak zortzi jokalari berri ditu, eta lehenengo jardunalditik ondo elkar ulertzea izango da euren erronka. Igandean jokatuko dute ligako lehenengo jardunaldia, 18:00etan.
Eskubaloian, Bera Berak ligako lehenengo postua bilatuko du Tenerifen aurka. Hain zuzen, donostiarrek Rocasa Gran Canaria daukate aurretik ligan, lau puntura berdinduta. Horregatik, hirugarren garaipena jarraian bilatuko du Bera Berak.
Hockeyan, bai belar hockeyan eta bai izotz hockeyan, norgehiagokak izango dituzte asteburuan talde donostiarrek. Belarrean, Realak ligako bigarren jardunaldia jokatuko du Sardineroren aurka, eta denboraldiko lehenengo garaipena bilatuko du, etxeko estreinaldian. Izan ere, joan den astean 1-0 galdu zuen Egararen kontra. Izotzean, Txuri Urdineko neskek Jacaren aurka jokatuko dute ligako bigarren jardunaldia, larunbatean. Ligako lehenengo postuan daude donostiarrak, eta lidergoa mantentzearen bila joango dira Jacara.
Futbolean, astebeteko etenaldiaren ondoren, Realeko neskek Sevillaren aurka jokatuko dute ligako hirugarren jardunaldia, eta azkenaldiko bolada onarekin jarraitu nahi du Natalia Arroyoren taldeak. Izan ere, orain arte jokatu dituzten bi neurketak irabazi egin dituzte, eta ligako hirugarren postuan daude. Mutilei dagokienez, ligako zazpigarren jardunaldia jokatuko dute igandean, Elxen aurka, Anoetan. Azkenaldiko sentsazio onekin jarraitu nahi dute Imanol Alguacilen mutilek, eta sailkapeneko goiko postuetan jarraitzeko, garaipen bat garrantzitsua izango litzateke.
PARTIDAK:
Saskibaloia
Emakumezkoen lehenengo maila, 1. jardunaldia
- Valentzia – Ibaeta Basket (igandea, 26, 18:00etan).
Eskubaloia
Emakumezkoen lehenengo maila, 3. jardunaldia
- Tenerife – Bera Bera (larunbata, hilak 25, 21:00etan).
Belar hockeya
Emakumezkoen ohorezko maila, 2. jardunaldia
- Reala – Sardinero H.C. (igandea, 26, 13:00etan).
Izotz hockeya
Emakumezkoen lehenengo maila, 2. jardunaldia
- Jaca – Txuri Urdin (larunbata, 25, 12:00etan).
Futbola
Gizonezkoen lehenengo maila, 7. jardunaldia
- Reala – Elx (igandea, 26, 18:30ean).
Emakumezkoen lehenengo maila, 3. jardunaldia
- Reala – Sevilla (larunbata, 25, 16:00etan).
