Danajan taldeak kantu ezagun baten moldaketa egin du
Donostiako Danajan rock taldeak hainbat abesti propio aurkeztu ditu azken hilabetetan. Oraingoan, Rainbow taldearen Long Live Rock’n’Roll kantuaren moldaketa aurkeztu dute. Rafa Cabeza musikariak (UK Bill, Utikan) gidatzen duen proiektuak Asier Enbil (Asgarth), Iñaki Amundarain eta Iñaki Udabe ditu alboan aipaturiko moldaketan.
Aurrera begira, Pailazoo izeneko diskoa argitaratzeko asmoa dute. Abesti zerrenda osatuko duten hainbat entzun daitezke dagoeneko: Munstroak, Motherfakhir, Gau ilun hartan, Dena gezurra da eta Satan Txiki.
