Donostiako Maratoi Erdiak 20 urte beteko ditu
Donostiako maratoi erdia. Donostiako Maratoi Erdiak 20 urte bete ditu aurten. 2020ko apirilean 2021eko apirilera berandutzea erabaki zen, baina azkenean, urriaren 3ra atzeratu behar izan dute lasterketa. Donostiako kale nagusiak zeharkatzen dituen zirkuitua da eta 2001eko maiatzetik, egin zen lehen lasterketatik, ibilbide bera mantendu du. 2011an, ordea, irteera eta helmuga Donostiako Boulevardera mugitu ziren eta gaur egun hala mantendu da.
20. urteurrena dela eta, parte hartzaile guztiek kamiseta berezi bat jasoko dute eta guztira, 3.000 pertsonak hartuko dute parte: maratoi erdian 2.000 korrikalari izango dira eta 10 km-ko ibilbidean 1.000. Informazio guztia lasterketaren webgunean dago.
Proban zehar Donostiako lekurik ezagunenak zeharkatuko dituzte, Kursaal Kongresu Jauregia, Artzain Onaren katedrala, udaletxea edo Kontxako hondartza besteak beste. 5 kilometrotik behin Djak egongo dira, ikusleek gozatu eta korrikalariek babesa senti dezaten.
