'Segoviako ihesa'-ren 40.urteurrenaren erakusketa Ernest Lluch Kultur Etxean ikusgai
Segoviako ihesa 1981. urtean plazaraturiko film dramatikoa da. Imanol Uribek zuzendu zuen, eta Segoviako ihesean inspiratutakoa da. 1976ko apirilaren 5ean ETA-ko 24 kidek eta Kataluniako hainbat erakunde eta alderditako beste bost lagunek ere, ihes egin zuten Segoviako kartzelatik.
Jesus Uriartek filmatze lanetan zehar egindako argazkiak bildu dituzte Angel Amigo filmeko gidoilariak eta Carlos Juarez Euskal Produktoreen Elkarteko presidenteak Ihesaldi baten oroitzapenak. Segoviako ihesa-ren 40.urteurrena erakusketan. Ernest Lluch Kultur Etxean ikusgai izango da urriaren 1etatik 30era.
Argazkiez gain, erakusketan hainbat objektu jaso dituzte: kartel eta gidoi originalak, filmatzean erabilitako klaketa, Felix Murcia zuzendari artistikoaren marrazki ezberdinak, eta filmak Donostiako Zinemaldian jaso zuen FIPRESCI saria, besteak beste.
Erakusketa solasaldi batekin abiatuko da urriaren 1ean. Imanol Uribe zuzendaria, Angel Amigo produktorea, Xabier Elorriaga aktorea eta Amaia Zubiria musikaria izango dira bertan. Bestalde, urriaren 2an, Euskadiko Filmategiak Segoviako ihesa proiektatuko du Tabakaleran.
