San Roke kaleko tarte bat itxiko dute urriaren 4tik aurrera
San Roke kalea. 
Espaloia eta zerbitzuen berritze lanak direla eta, San Roke kaleko tarte bat itxita egongo da zirkulazioarentzat, urriaren 4tik aurrera. Zehazki, 62. zenbakitik 50. zenbakiraino doana. Besteak beste, argiteria, saneamendua eta ur hornidura hobetzeko obrak egingo dira. Lanen iraupena hiru hilabetekoa izango da.
Itxiera hori dela eta, Dbuseko 36. lineak beheranzko (Amara kalerantz) noranzkoan dituen lau geltoki bertan behera geratuko dira: San Roke 65, San Roke 58, San Roke 7 eta Easo Plaza geltokiak. Beraz, Lazkano 3 geltokitik aurrera, Aldapetatik jaitsiko da autobusa Easo 27ko ibilbidea berreskuratzeko.
