Hitano ikastaroa antolatu du Bagera Elkarteak
(Argazkia: Bagera) Bagera Elkarteak hitano ikastaroa jarriko du martxan urriaren 19an. Asteartero 18:30etik 19:45era elkartuko dira Bagera Elkarteko egoitzan eta guztira, 10 orduko ikastaro praktikoa izango da zortzi saiotan banatuta.
Hika praktikatzeko saioak izango dira eta binakako hika-elkarrizketak izango dira saioen ardatz. Eguneroko harremanetan erabiltzen diren aditz-formak landuko dituzte, nahiz eta hika bere osotasunean landuko den (noka eta toka).
Urrian bi saio egingo ditzute hilaren 19an eta 21ean, azaroan bost izango dira: 2an, 9an, 16an, 23an eta 30ean. Abenduan, ordea, saio bakarra eta azkena izango da hilaren 14ean. Xabier Eizagirre Landa IRALEko euskara irakasleak zuzenduko du ikastaroa. Ikastaroaren prezioa 25 eurokoa izango da, baina bazkideentzat 20 euro ordaindu beharko dituzte. Izen ematea Bagera Elkarteko webgunean egin beharko da.
