12 koronorabirus kasu atzeman dira Donostian ostegunean
(Argazkia: Maite Reizabal) 
12 koronabirus kasu atzeman dituzte Donostian ostegunean, asteazkenean baina sei gehiago. Intzidentzia metatua 72,92an dago, azken asteetan ibili denaren bueltan. Asteartean osasun larrialdi egoera behertan behera utzi zuen Labik eta izurriaren kontrako neurri gehienak bertan behera geratu dira gaurtik aurrera.
Intzidentzia osasun eremuka
Astelehenean egondako positibo kopurua eta intzidentzia metatua osasun eremuka. Auzo gehienetan apur bat igotzen ari den arren, zifra baxuak izaten jarraitzen dugu hirian.
- Loiola: 0 (122,65)
- Ondarreta: 4 (111,47)
- Amara-Erdialdea: 1 (102,83)
- Altza-Roteta: 1 (66,34)
- Intxaurrondo: 1 (105,15)
- Parte Zaharra: 0 (50,58)
- Amara Berri: 1 (73,84)
- Aiete: 2 (48,13)
- Bidebieta: 0 (41,63)
- Gros: 1 (33,77)
- Egia: 1 (20,29)
Indarrean dauden osasun neurriak
Larrialdi egoera bukatuta, amaitu dira indarrean zeuden neurri gehienak. Aforoari dagokion neurririk ez dago jada ez taberna, eta ez aretoetan. Tabernetan jada ez da derrigorrez iserita kontsumitu beharko hemendik aurrera, baina maskara jantzita eduki beharko da kontsumitzen ez den bitartean. Ordutegi mugarik ez da ezarri, beraz, pandemia aurretik zeuden ordutegietara itzuli gara.
Indarrean dirauten neurrien artean barnekaldeetan maskararen erabileraren derrigortasuna mantenduko da. 5.000 lagunetik gorako ekitaldietan aforoa %80koa izango da. Harridura sortu duen erabaki bat da ekitaldietan ezin dela ura ez den beste ezer kontsumitu.
